Proverbs 7:7-23

7 ^aNiliona miongoni mwa wajinga,
nikagundua miongoni mwa wanaume vijana,
kijana asiye na akili.
8Alikuwa akishuka njiani karibu na pembe ya kwake,
akielekea kwenye nyumba ya huyo mwanamke
9 ^bwakati wa machweo, jua likipungua nuru yake,
giza la usiku lilipokuwa likiingia.

10 ^cNdipo huyo mwanamke akatoka kumlaki,
hali amevaa kama kahaba akiwa na nia ya udanganyifu.
11 ^d(Ni mwanamke mwenye makelele na mkaidi,
miguu yake haitulii nyumbani;
12 ^emara kwenye barabara za mji,
mara kwenye viwanja vikubwa,
kwenye kila pembe huvizia.)
13 ^fHuyo mwanamke alimkumbatia kijana na kumbusu,
na kwa uso usio na haya akamwambia:

14 ^g“Nina sadaka za amani nyumbani;
leo nimetimiza nadhiri zangu.
15Kwa hiyo nimetoka nje kukulaki;
nimekutafuta na nimekupata!
16 ^hNimetandika kitanda changu
kwa kitani za rangi kutoka Misri.
17 ⁱNimetia manukato kitanda changu
kwa manemane, udi na mdalasini.
18 ^jNjoo, tuzame katika mapenzi mpaka asubuhi;
tujifurahishe wenyewe kwa mapenzi!
19Mume wangu hayupo nyumbani;
amekwenda safari ya mbali.
20Amechukua mkoba uliojazwa fedha
na hatakuwepo nyumbani karibuni.”

21 ^kKwa maneno laini yule mwanamke akampotosha;
alimshawishi kwa maneno yake laini.
22 ^lMara huyo kijana alimfuata yule mwanamke
kama fahali aendaye machinjoni,
kama kulungu aingiaye kwenye kitanzi,
23 ^mmpaka mshale umchome ini lake,
kama ndege anayenaswa kwenye mtego,
bila kujua itamgharimu maisha yake.